Яковлев Владимир Иванович (1929.06.21, Шупашкар — 1991.11.29, Шупашкар) — журналист. Иван Яковлевич Саламбекӑн ывӑлӗ.

Кун-ҫулӗ

Чӑваш патшалӑх педагогика институтне (1953) пӗтернӗ. Хӗрлӗ Чутайри вӑтам шкулта вырӑс чӗлхипе литературин учителӗ (1953–1955), Курск облаҫӗнчи вӑтам шкулсенче (1955–1958), Шупашкарти «Ҫамрӑк коммунист» хаҫатӑн литература сотрудникӗ (1958), Курск облаҫӗнчи хаҫатсенче, Курск телевиденийӗнче, Курск радиовӗнче (1958–1970) литература ӗҫтешӗ, Чӑваш АССР Патшалӑх комитечӗн телевиденипе радиовещанийӗн Чӑваш радиовӗнче редактор, аслӑ редактор, комментатор (1972–1991) пулнӑ.

Чысланисем

• Чӑваш АССРӗн культурӑн тава тивӗҫлӗ ӗҫченӗ (1978);
• РСФСР культурӑн тава тивӗҫлӗ ӗҫченӗ (1989).